2026-mi 1. kvartalimi kinguppaat, qalerallit saarulliillu akiinut naleqqersuut

2026-mi kvartalit siullianni kinguppaat, qalerallit saarulliillu akiinut naleqqersuut, 2010-mi uuttuummik tunngavilik, Naatsorsueqqissaartarfimmit saqqummersinneqarpoq.

 

Kinguppaat, qalerallit saarulliillu akiinut naleqqersuut (2010=100) (2010=100)

Najoqqutaq: Naatsorsueqqissaartarfik – Kisitsisaataasivimmi kisitsisit takukkit https://bank.stat.gl/FIN009

 

2026-mi kvartalit siullianni agguaqatigiissillugit akit, 2025-mi kvartalit sisamaannut naleqqiullugit, allannguutaat ima isikkoqarput:

 

·         Kinguppannut akit 7,9 pct.-imikq qaffapput.

·         Qaleralinnut aki 12,9 pct.-imik qaffappoq.

·         Saarullinnut akit 21,9 pct.-imik qaffapput.

 

Akinut naleqqersuutit nunanut allanut niuernermi agguaqatigiissillugit akit annerusumik tunngavigalungit, tunisassiortuniilli anginerusunit nalunaarsuutinik ilallugit, naatsorsorneqarput. Nioqqutissat Kalaallit Nunaannit anninneqarnerini akit naleqqersuummi takutinneqarput.

 

Aalisakkat pineqartut akiisa naleqqersuutaat tamakkiisut 2010-mi oqimaalutaaneq milillugu uuttuutit atorlugit suliarineqarput. Naleqqersuummiut oqimaalutaaneq aalajangersimasoq Laspeyres-imik taaneqartoq atorneqarpoq.

 

Naatsorsueqqissaartarfiup nittartagaani kisitsisaataasivianilu akit naleqqersuutaasa ineriartornerat nassaarineqarsinnaapput, uani: https://bank.stat.gl/FIN009.

 

Saqqummersitsinissaq tulleq 2. kvartali 2026-mut tunngasoq ulloq 30. juuni 2026-mi saqqummissaaq.